曹仁超「曹Sir」港股投资策略精华 曹氏格言

今天仍有人为牛熊而激烈辩论,好无聊

股市早已进入对冲时代,即既可买甲股同时抛空乙股(或买乙股认沽期权),更可越洋对冲。例如近期海外基金买入港股同时抛空日股。机构投资者已好少赌单边市,愈来愈多人加入对冲行列,抛空成为投资的一部分。最简单对冲行为例如买入优质股抛空期指,或沽出劣质股买入期指。请唔好再为睇好或睇淡而争辩,好好学习对冲行为,唔好再赌单边市。

建立个人财富之道在于捕捉潮流改变

系由学晓捕捉趋势开始：一、停止「悲叹」、停止「投诉」。上述系穷人性格,既浪费时间亦无补于事,生活不因悲叹及投诉而改变。二、学习捕捉趋势。唔需要智慧,只要多留意身边事物便可；唔好因为潮流改变而成为受害者,切法潮流改变时成为受惠者。

三、努力去充实生活,唔好在家里发呆、在公司发梦！多交朋友(当然唔系猪朋狗友),既可扩阔自己的生活圈子,亦可扩阔自己的视野。成功由张开你的眼睛(open your eyes！)开始,你会发现世界原来充满机会。四、未来唔系过去延续,未来由依家开始！

上落市为投资者带来挫折感同混乱,大部分散户在上落市中表现欠佳。在上落市中买卖,通常系七单亏损、三单赚钱；七单亏损每单损失10％、三单赚钱每单赚20％,埋单仲系要输钱。在上落市中,最佳策略系升市时减持、淡市时吸纳,但做得到的投资者并唔多。

潮起潮落,既带来财富,亦带走财富

发达容易搵食艰难,全世界所有富人都系潮流捕捉者,当潮起之时加入、潮退之前退出

太冇耐性的投资者永远赚唔到大钱！我老曹只知道,上升的浪愈大,回落的浪愈急！大气候与小气候不因人的主观愿望而转移

阿妈教落,学就学有钱人点样赚大钱,唔好学讨饭的人要碎银！所以我唔识教你点样在股市中赚取10％利润,如果要赚便赚100％利润！寻找滔天巨浪而非微风细雨。作为投资者,通常睇错的时候较睇啱的日子多,一般都系六X分(即60％时间睇错、40％时间睇对),不过冇问题,只要识处理便可,就系止蚀唔止赚。睇错时最多损失15％便止蚀离场；反之,睇啱唔赚100％利润又点舍得走？只有咁样,40％睇对项目的回报才可抵销60％睇错项目外,仲带来可观利润。

股价未升衍生工具已先行,股价未跌衍生工具已被抛售。炒卖衍生工具的投机者较买卖股票者更醒目,投资者可利用此特性选股,即衍生工具交投渐多时入市,在衍生工具成交额大幅上升后离市！用衍生工具与时间赛跑

一般人切勿投资逾十只股票

投资一只股票,每天必须花半小时去留意有关佢的新闻、技术分析等等。换言之,如果你投资超过十间公司,每天便得花五小时做功课(上述系普通投资者可付出每天时间极限)。如冇上述时间,请帮衬基金,自己唔好再搞。股市可升可跌,投资股票可赚可蚀,唔做功课投资者通常蚀本离场！请记住,不要只投资一只股票,一般人亦请唔好投资超过十只股票,最佳数字系三、五、七只(即最少三只、最多七只),边两三只蚀本便卖掉,两三只赚钱便留住,每月检讨一次已足够,毋须分分钟都睇到实。卖掉蚀本货、留住赚钱股乃成功投资策略的第一步,除非你自己系专家,不然唔好买入弱势股,冇人知道一只股份可以升得几高,亦冇人知道一只股份跌幅有几大,因此止蚀唔止赚(如想买入,最好分三次完成,千万唔好希望自己买到最低；如想卖出,亦最好分三次完成,千万不要希望自己沽得最高)。唔肯做功课便唔好投资,不然同掷钱落咸水海差唔多。一发现唔妥,第一时间沽售,千万不要希望明天会更好。

上一页[1][2][3][4][5][6][7][8][9][10] ... 下一页 >>